Inicio > Delegacións > Delegacións do Goberno > Delegación do Goberno na Comunidade Autónoma de Galicia > Actualidade > Notas de Prensa > Notas > 2021 > Julio > Isabel Rodríguez dá a benvida aos axentes de Francia, Portugal, Alemaña e Italia que colaboran coa Garda Civil na protección do Camiño de Santiago
Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Andalucía
- Delegado do Goberno
- Actualidade
- Proyectos, Campañas e Información
- Servicios y Directorio
- Subdelegación do Goberno en Sevilla
- Subdelegación do Goberno en Almería
- Subdelegación do Goberno en Cádiz
- Subdelegación do Goberno en Córdoba
- Subdelegación do Goberno en Huelva
- Subdelegación do Goberno en Xaén
- Subdelegación do Goberno en Málaga
- Subdelegación do Goberno en Granada
Isabel Rodríguez dá a benvida aos axentes de Francia, Portugal, Alemaña e Italia que colaboran coa Garda Civil na protección do Camiño de Santiago
23/07/2021
A subdelegada do Goberno agradece o respaldo das policías de 4 países ao Plan de Seguridade Xacobea do Ministerio do Interior
Rodríguez destaca o compromiso do Goberno co Xacobeo e di que a seguridade dos peregrinos é fundamental para revitalizar o Camiño
A Garda Civil conta co apoio, este verán, de 14 axentes estranxeiros no Camiño francés ao seu paso pola provincia: Francia envía 3 xendarmes este mes, que serán relevados por outros 3 en agosto. Portugal comisiona en xullo 2 guardinhas, aos que sustituirán outros 2 o mes que vén. Na segunda quincena de xullo tamén están destinados a dar protección aos peregrinos 2 carabinieri de Italia e 2 policías de Alemaña
A subdelegada do Goberno, Isabel Rodríguez, presentou hoxe, en Sarria, aos axentes estranxeiros despregados na provincia no marco do Plan de Seguridade do Xacobeo 2021. No acto participaron tamén o comandante Carlos Barceló, xefe accidental da Comandancia da Garda Civil, e o alcalde de Sarria, Claudio Garrido.
A subdelegada deulles a benvida á primeira quenda de axentes de Francia, Portugal, Alemaña e Italia que colaboran coa Garda Civil na protección do Camiño de Santiago. En total, serán 14 os axentes estranxeiros comisionados na provincia para traballar na seguridade dos peregrinos durante o verán.
Isabel Rodríguez agradeceu a súa colaboración, que “supón un respaldo ao extraordinario despregamento que está a realizar a Garda Civil en todo o Camiño, xunto coa Policía Nacional no ámbito das súas competencias”.
Rodríguez subliñou a importancia da súa presencia para os peregrinos de nacionalidade estranxeira “especialmente nun ano no que seguimos sufrindo as consecuencias do grave problema de saúde pública xerado pola pandemia, a pesar do cal é evidente que a cifra de peregrinos vai en aumento, como xa apuntaban as previsións que levaron a poñer en marcha este Plan de Seguridade do Xacobeo”.
“Aproveito para poñer en valor o compromiso do Ministerio do Interior e do Goberno no seu conxunto para a revitalizacion do Camiño. Temos claro que é un gran activo para Galicia e o Goberno está volcado en apoialo”, manifestou Rodríguez. Neste sentido, sinalou que “en momentos coma este resulta máis importante aínda transmitirlle seguridade aos peregrinos, é un aspecto fundamental para a recuperación do Camiño e niso estamos empeñados, sen esquecer os investimentos que tamén ten en marcha o Goberno en distintos concellos da Ruta Xacobea”, manifestou Rodríguez.
“Nas vésperas do Día de Santiago, a gran festa de Galicia, quero agradecer o traballo de todos os axentes que velan pola seguridade da nosa xente de de todas as persoas que fan o Camiño. E tamén teño que pedir a todos os cidadáns e tamén aos peregrinos que respecten todas as normas sanitarias e restricións establecidas pola Xunta, por moi molesto ou incómodo que sexa é un acto de responsabilidade e de solidariedade que nos beneficia a todos”, concluíu a subdelegada.
AXENTES EXTRANXEIROS NO PLAN DE SEGURIDADE XACOBEA
Durante este mes de xullo colaboran no Plan de Seguridade Xacobea un total de 9 axentes de Francia, Portugal, Italia e Alemaña. Son 7 homes e 2 mulleres que pertencen aos seguintes corpos policiais:
Francia – GNF: 3 axentes (2 homes e 1 muller)
Portugal – GNR: 2 axentes
Italia – Carabinieri: 2 axentes
Alemaña: 2 axentes (1 home e 1 muller)
Os axentes franceses e portugueses están comisionados desde o 1 ao 31 de xullo e serán relevados no mes de agosto por outros 5 axentes, 3 de Francia e 2 de Portugal.
Para desenvolver a súa misión de protección dos peregrinos, organízanse, por quendas, en patrullas mixtas con axentes da Garda Civil. Prestan servizo na vixilancia do Camiño Francés polas distintas localidades e lugares de maior afluencia dos peregrinos nas etapas polas que discorre esta ruta na provincia de Lugo e están integrados principalmente nos servizos que presta a Oficina Móbil de Atención ao Peregrino coa que conta a Garda Civil na provincia e que é unha das novidades do Plan de Seguridade do Xacobeo 2021.
SERVIZOS NO CAMIÑO
Nos meses de xuño e xullo, a Garda Civil realizou no Camiño un total de 198 actuacións e prestou 1.234 servizos de auxilio a peregrinos. Os auxilios realizados a peregrinos de nacionalidade estranxeira neste tempo foron 616. Entre os servizos prestados a peregrinos figura axuda de tipo sanitario, informativa, auxilios mecánicos, etc.