Isabel Rodríguez lembra ás comunidade de veciños que ata o día 31 poden solicitar as axudas que dá o Goberno pola adaptación das antenas de televisión

25/10/2021

Son axudas directas para compensar o custo da adaptación de antenas motivado polo cambio nas frecuencias da televisión

As achegan oscilan entre 104 e 677 euros, en función do gasto realizado

Nas últimas semanas a subdelegada informou da convocatoria a concellos, asociacións de veciños e entidades profesionais


A subdelegada do Goberno, Isabel Rodríguez, lembrou hoxe ás comunidades de veciños afectadas polo Segundo Dividendo Dixital que dispoñen ata o día 31 de outubro para solicitar as axudas convocadas polo Goberno para financiar a adaptación das antenas de televisión.

 

Isabel Rodríguez realizou este recordatorio ás comunidades de veciños logo de informar sobre a convocatoria das axudas, nas últimas semanas, aos concellos da provincia afectados polo cambio de frecuencias, así como á Deputación provincial, a Federación provincial de Asociacións de Veciños, á Asociación provincial de Instaladores Electricistas e de Telecomunicacións e ao Colexio Oficial de Xestores Administrativos. 

 

Con estas subvencións, o Goberno compensa de xeito directo ás comunidades de propietarios polos custes da adaptación das antenas de televisión debido ao cambio de frecuencias do Segundo Dividendo Dixital. 

 

A xestión da convocatoria, que conta con un presuposto de 10 millóns de euros, corresponde á entidade, adscrita ao Ministerio de Asuntos Económicos e Transformación Dixital, Red.es.

 

As axudas, que se poden solicitar en liña ata o 31 de outubro, están destinadas a comunidades de propietarios e suxeitas ao réxime de propiedade horizontal que conten con sistemas de recepción de servizos de comunicación audiovisual afectados polo proceso de liberación de frecuencias do Segundo Dividendo Dixital.

 

A contía das achegas oscila entre 104,3 euros e 677,95 euros, en función da infraestrutura de recepción de televisión afectada.

 

Toda a información sobre as axudas e o procedemento para solicitalas pode consultarse no enlace https://sede.red.gob.es/es/procedimientos/segunda-convocatoria-del-plan-de-subvenciones-asociadas-al-segundo-dividendo-0