Maica Larriba visita as instalacións do posto do control fronteirizo en Tui
24/04/2020
Desde o 17 de marzo o paso fronteirizo da A-55 de Tui é o único aberto co país veciño desde a provincia, manténdose pechados os de Arbo, Salvaterra e Tomiño
Dentro dos labores de coordinación que se esta levando a cabo a subdelegada do Goberno en Pontevedra, Maica Larriba visitou o punto de control fronteirizo na A-55 á altura do concello de Tui, único paso aberto cara a Portugal desde a provincia. En concreto, a subdelegada do Goberno que estivo acompañada pola Comisaria Provincial da Policía Nacional, Estíbaliz Palma, quixo supervisar as instalacións coas que se dotou a este punto fronteirizo para que os corpos e forzas de seguridade do Estado realizasen o seu labor con medidas dignas e non cunha carpa, tal como inicialmente contábase. Maica Larriba preocupouse desde o primeiro momento para conseguir estes medios para os axentes que manteñen o control do paso de vehículos de entrada co país veciño. Respecto diso, Larriba interesouse do traballo que están a realizar os diferentes efectivos de vixilancia e control terrestre da fronteira.
De acordo á información proporcionada á subdelegada “ata día de hoxe supervisouse o paso de 34.522 vehículos e denegouse a entrada de algo máis de mil. As causas para estas denegacións estiveron relacionadas coa falta de xustificantes para o seu paso ao noso país de acordo á normativa do estado de alarma”.
Maica Larriba quixo agradecer persoalmente “o labor e o esforzo que están a demostrar os funcionarios adscritos a este punto de control de fronteiras coa súa dedicación permanente durante as 24 horas de todos os días da semana”.