José Miñones destaca que Galicia continúa avanzando no camiño dunha recuperación xusta coa creación de 10.400 empregos en 2021
27/01/2022
O delegado do Goberno subliña que en doce meses o desemprego reduciuse nun 5,30 % na Comunidade Autónoma
España rexistra a maior creación de emprego desde 2005
O delegado do Goberno en Galicia, José Miñones, valorou os datos da Enquisa de Poboación Activa (EPA) publicada este xoves polo Instituto Nacional de Estatística. Nos últimos doce meses a taxa de ocupación galega aumentou un 0,96 %, rexistrándose a creación de 10.400 postos de traballo na Comunidade Autónoma durante 2021. “En Galicia hoxe traballan 1.091.300 de persoas e hai 7.900 desocupados menos que hai un ano”, destacou o delegado do Goberno.
José Miñones recalcou que os datos da EPA volven “corroborar que a recuperación xusta avanza en España, evidenciando que é posible crecer sen deixar a ninguén atrás”.
Así mesmo, o delegado destacou que o desemprego en Galicia diminuíu nun 5,3 % respecto ao ano anterior, rexistrándose unha taxa de paro do 11,01%, mellor que a media española. No entanto, no conxunto de España o paro reduciuse en 615.900 persoas nos últimos doce meses, rexistrándose un índice de *desocupación do 13,33 %, o máis baixo desde 2008.
O delegado do Goberno subliñou ademais que, á marxe das grandes cifras, a ocupación feminina creceu por encima da masculina e que o paro xuvenil sitúase xa a niveis previos á pandemia, incrementándose tamén a creación de postos de traballo no sector privado e o emprego indefinido. “O mercado laboral non só creceu en termos cuantitativos, senón cualitativos, xa que hoxe hai máis emprego e de maior calidade que hai un ano, pero non nos podemos contentar”.
Neste sentido, José Miñones insistiu na oportunidade histórica que supón o Plan de Recuperación, así como a nova Lei de FP, “que permite adaptar a formación profesional ás necesidades do mercado laboral, co obxectivo de facer fronte a un dos grandes retos que temos por diante, que é o desemprego xuvenil”.
Por último, o delegado do Goberno instou a todas as partes a seguir remando “todos a un tempo” para que no 2022 póidanse repetir estes datos.